سه شنبه پنجم شهریور ۱۳۹۲ - - سجاد -
سن سیز گوزلیم قلب ائوی ویرانیه بنظر
هئیبت ده اوزوم هر کیمه دیوانیه بنظر
گل گل منی تک قویما بو دهرین آراسیندا
یوخسا اورگیم قان دولو پیمانیه بنظر
آردینجا گزیب کولگن اولوب سنله سوروننم
گون تک باتاسان گوزلریم غمخانیه بنظر
بیلسم گلیسن آرزیلاریم سون گونه قالمیر
بیر ائو قورارام سلقه ده کاشانیه بنظر
سنله قورولار شنلیگ ائوی ای مه تابان
یوردوم یووامیز قدرده میخانیه بنظر
مجنون دئسه لر اینجیمه رم باش اونا اییم
عرفانه گئده ن هر دلی فرزانیه بنظر
زولفون قارادیر آی اوزووی شمع کیمی یاندیر
کونلون اوچاغی یانماغا پروانیه بنظر
اویناتما قوشا قاشلارووی گوزلری شهلا
او شن باخیشین قاش آرا دوردانیه بنظر
آللاتما (کیان) سن اوزووی یار منیم اولدو
اویما بو خیال ! شعرده افسانیه بنظر